Labarai
Wasu Batagari Sun Kashe Uwargida Da Amarya, Sun Banka Wa Gawarsu Wuta A Kano

A Jihar Kano, wasu mutane da ba a gano ko su wane ba sun kashe wata Uwargida da Amarya, sannan suka banka wa gawar ɗaya daga cikinsu wuta, a wani mummunan hari da ya faru a unguwar Tudun Yola da ke ƙaramar hukumar Gwale kamar yanda Arewa Rediyo ta ruwaito.
Wannan mummunan lamari ya faru ne a jiya a cikin gidan Alhaji Ashiru Shu’aibu , inda maharan suka kutsa cikin dare suka hallaka matan nasa biyu ba tare da tausayawa ba.
Alhaji Ashiru ya ce batagarin sun shiga gidan ne cikin tsakar dare, inda suka yi wa matansa kisan gilla, kafin daga bisani su ƙona gawar ɗaya daga cikinsu.
A cewarsa, “Sun shigo gidanmu cikin dare, suka kashe matana, sannan suka ƙona gawarsu. Har yanzu ban san dalilin wannan aika-aika ba.”
Rahotanni sun ce faruwar lamarin ta tayar da hankalin mazauna yankin, inda mutane ke nuna damuwa kan yadda ake samun irin waɗannan hare-hare a cikin unguwannin Kano.
Rundunar ‘yan sandan Kano har yanzu ba ta fitar da sanarwa ba dangane da faruwar lamarin,
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
