Labarai
Yan bindiga sun sace limamin coci da matarsa a Kwara

Daga Muhammad Muhammad zahraddin
Wasu ‘yan bindiga sun sace Bishop na darikar Anglican, Rabarand Oluwaseun Aderogba da ke Jebba a Jihar Kwara ta Tsakiyar Najeriya tare da matarsa da dirabansa.
ajin Aiki: ASUU Ta Lashi Takobin Hukunta Jami’o’in Da Suka Bijire Mata
Gidan talbijin na Channels TV ya rawaito cewa an sace mutanen ne ranar Lahadi da maraice a kan hanyar Oyo/Ogbomoso da ke Jihar Oyo.
Kakakin rundunar ‘yan sandan Jihar, Adewale Osifeso, ya tabbatar da sace mutanen a wata sanarwa da ya fitar.
Ya kara da cewa wani mutum mai suna Rabarand Adekunle Adeluwa ne ya kai wa ‘yan sanda labarin sace takwaransa.
A cewar Osifeso, binciken farko ya nuna cewa motar limamin cocin ce ta samu matsala a yayin da suke tafiya daga Yewa da ke Jihar Ogun zuwa Jebba a Jihar Kwara.
Ya kara da cewa an bai wa mataimakin Kwamishinan ‘yan sandan yankin umarnin gano da kuma ceto mutanen.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
