Business

Ilimin Fasahar Zamani: NITDA ta horas da ƴan ƙasa 120,000

Published

5 years ago

December 31, 2021

Hukumar Ci gaban Fasahar Zamani ta Ƙasa, NITDA ta ce ta horar da ƴan Nijeriya 120,000 a faɗin ƙasar nan a kan Ilimin Fasahar Zamani.

Darakta-Janar na hukumar, Kashifu Inuwa ne ya baiyana haka a yau Juma’a a yayin da ya ke jawabi a ƙarshen wata horas wa ta kwana 3 da a ka yi wa ƴan jarida da ga arewa-Maso-Yammacin Nijeriya a cibiyar PRNigeria a Kano.

A cewar sa, hukumar na faɗaɗa Ilimin Fasahar Zamani har ya zama cewa kashi 95 na ƴan ƙasa zuwa shekarar 2030.

Kashifu ya ƙara da cewa Hukumar da ta cimma wannan ƙuduri ne ta hanyar shirye-shirye iri-iri da su ka haɗa da Cibiyar Koyar da Fasahar Zamani, Shirin Fasahar Zamani na Jihohi, da sauran su.

“Mu na kuma aiki tare da wasu ƙungiyoyi ingantattu da za su taimaka mana wajen horaswar sabo da gwamnati ba za ta iya ita kaɗai ba.