Connect with us

Labarai

2023: A.A. Zaura shine ɗan takarar mu — Ƴan Kannywood

Published

on

FB IMG 16417211128748436
Advertisements
WhatsApp Image 2026 11 04 at 12.03.38 AM

Daga Yasir sani Abdullah

 

 

 

Jaruman Masana’antar Fim ta Kannywood sun baiyana goyon bayan su ga Abdussalam Abdulkarim Zaura, wanda a ka fi sani da A. A. Zaura a cikin ƴan takarar da ke neman zaɓen gwamna a Jihar Kano a kakar zaɓe ta 2023.

Jagoran ƴan fim ɗin, T. Y. Shaba ne ya baiyana haka jim kaɗan bayan ƴan Masana’antar sun karrama Zaura a jiya Asabar.

Advertisement

Shaba ya ce Zaura shine ɗan takarar ƴan Kannywood a jam’iyar APC a zaɓen gwamna na shekarar 2023.

Ya ce sun ɗauki wannan mataki ne duba da irin hidimar da Zaura ke yi wajen tallafawa talakawa a jihar da ma wajen ta.

Ya ƙara da cewa Zaura ya zamo zakaran gwajin dafi wajen taimakawa masu ƙaramin ƙarfi ko da ba ƴan jam’iyar APC ba a faɗin jihar.

Ya kuma ce duba da irin hidimomin da ya ke na taimakon masu ƙaramin ƙarfi da kuma irin nasarorin da ya samu a rayuwar sa, sun samu yaƙinin cewa idan ya hau kujerar gwamnan Kano zai yi sama da haka kuma zai tallafawa Kannywood.

A nashi jawabin, Zaura ya gode musu a bisa lambar girma da su ka bashi.

Ya kuma nuna cewa ya kamata al’umma su fahimci ƴan Kannywood cewa su na fadakar da al’umma ne ta hanyar fina-finan su.

Advertisement

Advertisements
Advertisement
Click to comment

Leave a Reply

Your email address will not be published. Required fields are marked *

Trending