Yan Najeriya sun sha barasar kusan naira biliyan 600 a wata shida – Rahoto

DAGA KABIRU BASIRU FULATAN

‘Yan Najeriyar sun sha giyar naira biliyan 599.11 a cikin wata shida daga Janairu zuwa Yunin 2022, a cewar bayanan manyan kamfanoni giya huɗu da ke Najeriya.

Bayanan da kamfanonin suka fitar da suka hada da Guinness da Champion na cewa sun samu habbakar kuɗaɗen shiga a waɗannan watanni.

Mutane da dama suna cigaba da rasa muhallinsu na zama a Nguru

Kuɗaɗen shigarsu ya karu da kashi 31.2 cikin 100 idan aka kwatanta da naira biliyan 456.44 da suka samu a shekara ta 2021.

Waɗannan alkaluma na nuna yadda ake samun ‘yan Najeriya da ke rubanya adadin barasa da suke sha a wuni guda, a cewar rahoton.