Labarai
Hukumar NSCDC ta cafke wasu mutane biyu da ake zargin barayin shanu ne a jihar Jigawa.

DAGA KABIRU BASIRU FULATAN.
Hukumar tsaron farin kaya ta kasa NSCDC ta cafke wasu mutane biyu da ake zargin barayin shanu ne a jihar Jigawa.
Kakakin rundunar ‘yan sandan jihar Jigawa, CSC Adamu Shehu, ya tabbatar da kamen a wata sanarwa da ya raba wa manema labari.
Majalisa Dattawa ta amince da naɗin mutum 45 a matsayin ministocin Tinubu.
Ya ce an kama wadanda ake zargin, Abdullahi Buba na Garin Dole, karamar hukumar Itas/Gadau, jihar Bauchi, da kuma Alhaji Jubril na Bursari, karamar hukumar Dapchi, jihar Yobe, a ranar Asabar da karfe 1 na safe a karamar hukumar Kiyawa ta jihar Jigawa.
Ya bayyana cewa maigidan ne ya kama wadanda ake zargin, inda suka yi taka-tsan-tsan a cikin dare da nufin kamo barawon da a baya ya sace shanu a unguwar.
An sace masa shanu hudu, biyu kuma na makwabcinsa, Alhaji Hardo, wadanda kudinsu ya haura N2,000,000.
Jaridar Daily post ta rawaito cewa Shehu ya ce bincike ya nuna cewa Abdullahi tare da ‘yan bindigar na satar shanu ne a tsakanin karamar hukumar Kiyawa da ke Jigawa da kuma garin Azare a Bauchi.
Ya ce wadanda ake zargin sun amsa laifin satar shanu tare da kai su jihar Kano.
Kakakin hukumar NSCDC ya ce za a gurfanar da wadanda ake zargin a gaban kotu bisa laifukan hada baki, yin kutse, da niyyar yin sata, da kuma sata bayan bincike.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
