Yan Najeriya Dubu 150,000 Na Neman Vizar Amurka – Offishin Jakadanci

Advertisements

DAGA YASIR SANI ABDULLAHI

Ofishin jakadancin Amurka a Nijeriya ya ce, ya tantance ‘yan Nijeriya fiye da 150,000 da suka hada da dalibai 30,000 da ke neman biza zuwa kasar Amurka a 2023.

Shugaban Ofishin jakadancin kasar Amurka, Mista David Greene ne ya bayyana hakan a ranar Lahadin da ta gabata yayin wata tattaunawa da kamfanin dillancin labarai na Nijeriya a Abuja.

Barayin Waya Sun Kashe Dalibin Jami’ar Tafawa Balewa Dake Jihar  Bauchi

Ya kuma ba da tabbaci ga masu neman biza zuwa kasar Amurka cewa, za a shawo kan duk wani kalubale da ake fuskanta kan neman bizar.

A cewarsa, “batutuwan da suka shafi biza za su zama tarihi, ofishinmu yana yin duk abin da ya kamata don ganin an shawo kan duk wani kalubale game da neman bizar.”

Ya bukaci masu sha’awar tafiya zuwa Amurka da su nemi bizar da wuri tare da tabbatar da cewa, bukatun da ke cikin bizar suna da alaka da tafiyar.

A wani labarin kuma Barayin Waya Sun Kashe Dalibin Jami’ar Tafawa Balewa Dake Jihar  Bauchi

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.