Boss Mustapha Ya Karyata Zargin Satar Dala Miliyan 6.3 Daga  Bankin Kasa CBN

DAGA KABIRU BASIRU FULATAN

Tsohon sakataren gwamnatin tarayya Boss Mustapha, da kakkausar murya ya karyata wani rahoton da ke cewa yana da hannu wajen cire dala miliyan 6.3 daga babban bankin Nijeriya (CBN) ba bisa ka’ida ba a lokacin gwamnatin Muhammadu Buhari.

Rahoton wanda wata jarida ta yanar gizo ta buga, ya yi ikirarin cewa wani mai bincike na musamman da shugaba Bola Tinubu ya nada ne ya bankado satar da ake zargin an yi a ranar 8 ga Fabrairu, 2023 — makonni kafin zaben shugaban kasa.

ƴan wasan Gombe United sun dawo gida a motar haya bayan da motarsu ta lalace

Rahoton ya ci gaba da cewa, Mustapha tare da tsohon gwamnan babban bankin CBN, Godwin Emefiele, sun ba da izinin fitar da kudaden daga asusun bankin da nufin bayar da kudaden gudanar da ayyukan sa ido kan zabe na kasashen waje.

Rahoton mai binciken, kamar yadda jaridar ta ruwaito, ta ce na’urar leken asiri ta bidiyo (CCTV) sun dauki bidiyon yadda aka fitar da kudaden daga harabar bankin.

Sai dai Mustapha, a wani kakkausan lafazi da ya fitar ga manema labarai a ranar Asabar, ya musanta zargin da ake masa.

Ya bayyana labarin a matsayin “ƙirƙira” da nufin bata sunansa.

A wani labarin kuma ƴan wasan Gombe United sun dawo gida a motar haya bayan da motarsu ta lalace

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu