Mutum 6 Sun Kone, 4 Sun Jikkata A Harin Boko Haram A Jihar Borno

DAGA UMAR IBRAHIM HOTORO 

Mutane shida sun kone kurmus sannan wasu hudu sun samu raunuka a lokacin da wasu da ake zargin ‘yan ta’addar Boko Haram suka kai hari a yammacin ranar Litinin a garin Gajiram da ke Karamar Hukumar Nganzai a Jihar Borno.

Wasu majiyoyi sun tabbatar wada Jaridar LEADERSHIP harin a ranar Talata a Maiduguri.

Hukumar EFCC Ta Damke Shugabannin Bankunan Zenith Da Jaiz Da Providus

Sun ce lamarin ya faru ne bayan sallar magariba a wata unguwa da ke kusa da wata kasuwa a yankin Gajiram.

Majiyar ta ce, “An kashe mutane shida a jiya bayan sallar magriba a Gajiram, an kuma raunata wasu mutane hudu.

Dakarun soji da kuma rundunar ‘yansandan Jihar Borno ba su fitar da wata sanarwa dangane da faruwar lamarin ba har zuwa lokacin hada wannan rahoton.

A wani labarin kuma Hukumar EFCC Ta Damke Shugabannin Bankunan Zenith Da Jaiz Da Providus

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu