Labarai
An yanke wa Imran Khan da matarsa hukuncin zaman gidan yari na shekara 14

DAGA MUHAMMAD MUHAMMAD ZAHRADDIN
An yanke wa tsohon Firaiministan Pakistan Imran Khan da matarsa hukuncin zaman gidan yari na shekara 14 kan samun su da laifin sayar kadarorin ƙasar ba bisa ƙa’ida ba, kamar yadda jaridar Dawn ta ruwaito.
Hukuncin da kotun ta yanke a Islamabad na zuwa ne kwana ɗaya bayan an yanke wa Khan hukuncin zaman gidan yari na shekara 10, mako guda kafin babban zaɓen ƙasar.
Haka kuma wata kotu ta yanke wa Khan hukuncin zaman gidan yari na shekara uku kan sayar da kayayyakin ƙasar waɗanda suka kai sama da rupee miliyan 140 a lokacin da yake minista tsakanin 2018 zuwa 2022.
Duk da cewa daga baya an dakatar da hukuncin, amma Khan na tsare sakamakon zarginsa da hannu a wasu laifukan.
Sai dai Khan ya kafe kan cewa ya sayi kadarorin ne bisa ƙa’ida.
Jami’an gwamnati suna zargin mataimakan Khan sun sayar da kyaututtukan ne a Dubai.
Reuters
-
Labarai6 days agoGwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
