‎Tankar Mai Ɗauke Da Lita 60,000 Na Man Fetur Ta Fadi  ‎

Wata tankar mai ɗauke da lita 60,000 na man fetur ta fadi a garin Iroko, da ke kan hanyar Oyo zuwa Ibadan, a ranar Lahadi da yamma, lamarin da ya haifar da zubewar danyen mai a hanya.

‎Rahotanni sun ce tankar mai lambar rajista GZA 55OXA ta karkata zuwa cikin rami a gefen hanya, inda man da take ɗauke da shi ya zube.

‎’Yan Fashi Sun Kwashi Kayan Tarihi Masu Tsadar Gaske A Gidan Tarihi Na Paris Cikin Mintuna Hudu

‎Shugaban hukumar kashe gobara ta jihar Oyo, Maroof Akinwande, ya tabbatar da faruwar lamarin, inda ya ce babu wanda ya jikkata ko ya rasa ransa.

‎Lamarin na zuwa ne a daidai lokacin da ake cigaba da tunawa da wani hatsarin tankar mai da ya faru ‘yan kwanaki da suka gabata a yankin Ogbomoso na jihar, wanda ya haddasa cunkoso da fargaba a tsakanin jama’a.

‎

DAILY POST