Mai Wushirya ya fasa auren Yar Guda

Fitaccen ɗan TikTok, Ashiru Idris wanda aka fi sani da Mai Wushirya, ya bayyana cewa ba zai auri Basira ’Yar Guda da kotu ta umarce shi bayan tuhumarsa da wasu laifukan watsa baɗala a kafafen sada zumunta.

Cikin wani sabon bidiyo da Mai Wushirya ya fitar, ya bayyana cewa duba da ƙorafe-ƙorafen da iyayensa suka yi da sauran abokansa, yana shaida wa mutane cewa idan ya tashi aure zai sanar da su.

Wani Saurayi Ya Kashe Abokinsa Saboda Rikici Kan Budurwa

Ya ƙara da cewa da ma ba a son ransa ya amsa cewa zai auri ’yar Guda ba, tsoro ne na hukuncin kotu.

A ƙarshe ya ce yana kira da duk waɗanda suka karɓi kuɗin gudunmawa da sunan wannan biki da su kai kuɗin ga mabuƙata da marayu.