Labarai
Gwamnatin Tarayya Ta Wajabta Gwajin Ta’ammali Da Muggan Ƙwayoyi Ga Masu Neman Aikin Gwamnati

Gwamnatin Tarayya ta umarci dukkan ma’aikatu, hukumomi da sassan gwamnati su sanya gwajin miyagun ƙwayoyi a matsayin sharadi na wajibi kafin ɗaukar sabbin ma’aikata aiki.
Umarnin ya fito ne daga Ofishin Sakataren Gwamnatin Tarayya (SGF), Sanata George Akume, inda aka bukaci hukumomin gwamnati su yi aiki tare da Hukumar Yaƙi da Sha da Fataucin Miyagun Ƙwayoyi (NDLEA) domin gudanar da gwaje-gwajen bisa ƙa’idoji.
Gwamnatin ta ce matakin na da nufin rage yawaitar shan miyagun ƙwayoyi, musamman a tsakanin matasa, tare da kare lafiyar jama’a, inganta nagartar aiki, bunƙasa tattalin arziki da ƙarfafa tsaron ƙasa.
Wannan mataki na cikin jerin manufofin yaƙi da miyagun ƙwayoyi na shekarar 2025 da gwamnatin tarayya ke aiwatarwa.
A baya-bayan nan, wasu hukumomi kamar Hukumar Kwastam ta Najeriya, da kuma wasu jami’o’i, sun fara aiwatar da gwajin miyagun ƙwayoyi ga sabbin ma’aikata da ɗalibai, a wani yunƙuri na ƙasa baki ɗaya na magance matsalar.
-
Labarai7 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
