AKCCC Ta Shirya Taron Haɗuwar Classmates Karo Na 4

An shirya gudanar da taron haɗuwar tsofaffin ɗaliban makarantar Aminu Kano Community Commercial College (AKCCC) karo na huɗu domin ƙarfafa zumunci da haɗin kai a tsakanin classmates.

A cikin wata sanarwa da masu shirya taron suka fitar, sun bayyana cewa ana gudanar da irin wannan taro ne duk shekara domin tuna lokutan karatu da kuma ƙara dankon zumunci tsakanin tsofaffin ɗaliban makarantar.

Jami’an Ƴansanda Sun Kama Wani Mutum Bisa Zargin Satar Ragunan Layya 18 

Sanarwar ta ce za a gudanar da taron ne ranar Lahadi, 31 ga watan Mayun 2026 da misalin ƙarfe 2:00 na rana a Hall ɗin makarantar AKCCC kamar yadda aka saba.

Masu shirya taron sun yi kira ga dukkan classmates da su fito domin ba taron muhimmanci tare da tabbatar da halarta, suna masu cewa kasancewar kowa tare na daga cikin abubuwan da ke ƙara armashi da nasarar taron.

Haka kuma, sun roƙi waɗanda suka samu sanarwar da su taimaka wajen isar da saƙon ga sauran classmates domin kowa ya samu damar halartar taron.

Sun bayyana fatan cewa taron zai kasance cikin farin ciki, ƙauna da ci gaba da ɗorewar zumunci a tsakanin mahalarta.

A ƙarshe, masu shirya taron sun yi addu’ar Allah Ya haɗa kowa lafiya tare da sanya taron ya gudana cikin nasara da albarka.