Ƴan sanda sun cafke ɗan shekara 18 bisa zargin kashe abokinsa a Kano

DAGA YASIR SANI ABDULLAHI 

Rundunar Ƴan Sanda ta Jihar Kano ta cafke wani matashi ɗan shekara 18, Saminu Bala, bisa zargin kisan abokinsa a Kofar Mazugal a birnin Kano.

Daily Trust ta rawaito cewa Kakakin rundunar, SP Abdullahi Haruna Kiyawa ya tabbatar da kisan cewa cacar-baki ce ta ɓarke tsakanin Bala da marigayi Ibrahim Khalil sai shi Bala ɗin ya daki Khalil, lamarin da ya janyo mutuwar sa.