Karancin mai: IPMAN ta ɗora laifin tsadar man fetur a kan defo masu zaman kansu

DAGA KABIRU BASIRU FULATAN 

Kungiyar dillalan man fetur mai zaman kanta ta ƙasa, IPMAN, shiyyar yammacin kasar, ta danganta karin farashin famfon na Motar Motoci da hauhawar farashin ma’ajiyar man fetur.

Shugaban kungiyar IPMAN Western Wone, Alhaji Dele Tajudeen ne ya bayyana hakan a wata hira da ya yi da Kamfanin Dillancin Labarai na Ƙasa, NAN a yau Talata a Legas.

INEC ta saka ranar gudanar da zaɓuka a jihohin Bayelsa, da Imo, da Kogi

Tajudeen, yayin da yake yin Allah wadai da karin farashin, ya ce an samu karin farashin man fetur daga Naira 148.17 zuwa Naira 178 kan kowace lita tun makon jiya.

A cewarsa, rashin ajiyayyen man fetur a kamfanin mai na NNPC, shi ne sai defo masu zaman kansu su ka yi amfani da yanayin wajen kara farashin.

“Zaɓi kawai ga membobinmu shine mu zaɓi wuraren ajiya masu zaman kansu don ci gaba da tafiyar da kasuwancinmu.

“Muna adawa da karin kudin ne kwata-kwata saboda zai shafi ribar da muke samu da kuma talakawa.

“Wasu defo-defo masu zaman kansu waɗanda ke da man, da gangan, sun ƙi sayar da shi saboda dalilan da su kaɗai su ka sani,” in ji shi