Labarai
An Yi Masa Daurin Rai-Da-Rai Kan Kashe Mahaifiyar Tsohuwar Budurwarsa

DAGA MUHAMMAD MUHAMMAD ZAHRADDIN
Wata kotun daukaka kara ta yanke wa wani matashi dan shekara 26 hukuncin daurin rai-da-rai bisa laifin kashe mahaifiyar tsohuwar budurwarsa.
Kotun da ke birnin Seoul na kasar Koriya ta Kudu ta samu Lee Seok-joon da laifin daba wa mahaifiyar tsohuwar budurwarsa mai shekara 49 wuka har lahira tare da yi wa dan uwan budurwar mai shekara 14 rauni a gidansu da ke Kudancin birnin a watan Disambar 2021.
Don haka ta tabbatar da hukuncin daurin rai-da-rai da wata kotun yanki ta yanke wa Lee Seok-joon saboda samun sa da laifin kisan kai da kuma raunata kanin tsohuwar budurwarsa.
Kotun ta gano cewa matashin ya aikata kisan ne bayan da ya badda kama, ya sulale zuwa cikin gidan inda ya yi ajalin mahaifiyar tsohuwar budurwar tasa.
Ya yi wannan aika-aika ne bayan mahaifiyar ta shigar da kara bisa zargin sa da yi wa ’yarta fyade.
AMINIYA
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
