Labarai
GASAR AFCON:’Ba mu ajiye Ahmed Musa a gefe hakanan kawai ba, yana mana amfani- Peseiro, kociyan Super Eagles

DAGA YASIR SANI ABDULLAHI
Kocin Super Eagles Jose Pasiero ya bayyana cewa gogaggen ɗan wasa Ahmed Musa na da amfani sosai a cikin ƙungiyar, tasu duk kuwa da cewa har yanzu bai buga wasa ko ɗaya ba a Gasar Cin Kofin Afrika.
A wasan ranar Asabar na zagaye na biyu, inda Najeriya ta lallasa Kamaru da ci 2:0, an ga Lukman wanda ya ci ƙwallo ya je ya rungume Ahmed Musa da ke benci.
Kociyan Najeriya ya ce Ahmed Musa ƙwararre ne, kuma ya na bai wa ‘yan wasan Najeriya shawarwari wajen yadda za su bijiro da wani salo a yayin wasa.
A hirar sa da manema labarai bayan kammala wasan Najeriya da Kamaru a Corte de Ivoire, kociyan Najeriya ya ce Ahmed Musa zai buga wasa a gaba, kuma mutane su daina damuwa, domin ko a kan benci ya na yin amfani.
Masu kallo da dama a Najeriya dai sun damu ganin yadda an yi wasanni huɗu, amma Ahmed Musa bai buga ko ɗaya ba.
Musa shi ne ɗan wasan da ya fi kowa yawan buga wa Najeriya wasa, kuma ya fi kowa cin ƙwallaye tarihin kafuwar Super Eagles.
-
Labarai7 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
