Labarai
Ramuwar Gayya :Tsananin Azaba Ta Sa Wani Mutum Rama Cizon Maciji

DAGA YASIR SANI ABDULLAHI
Wani Ba’indiye mai suna Santosh Lohar ya Gantsarawa wani maciji cizo har lahira a matsayin ramuwar gayya bayan da Maciji ya cije shi yana tsaka da bacci .
WIKKI TIMES ta ruwaito cewa Santosh Dan shekaru 35 daga garin Pandua, Jharkhand a Indiya, yana tsaka da barci wani Maciji ya rarrafo ya gasa masa cizo, nan take kuwa Santosh ya damƙo Maciji da sanda inda shima ya gasa masa cizo.
Lokacin da aka tambaye shi dalilin da ya sa ya ciji macijin, Lohar ya gaya bayyana cewa: ‘A ƙauyen mu mun yadda cewa idan Maciji ya cije ka to ka kama shi ka cije shi sau biyu don kashe dafin”.
Ya kara da cewa rama cizon da yayi shi ne ya hana shi mutuwa, kasancewar hakan wani canfine da sukayi imani da shi a yankin su.
Duk da da ba gama gane wane irin Maciji ne ya sari Lohar ba. Ba a tsaya ba aka garzaya da shi asibiti da ke kusa da su inda aka ba shi maganin kashe dafin aka sallame shi washegari.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
