Labarai
Trump Ya Sake Tsallake Rijiya Da Bayaa Wani Sabon Hari

DAGA YASIR SANI ABDULLAHI
Dan takarar shugabancin Amurka na jam’iyyar Republican Donald Trump ya sake tsallake rijiya da baya a wani sabon hari da wani dan bindiga ya yi yunkurin kai masa a filin wasansa na kwallon lambu a birnin Florida.
To sai dai kuma babu abinda ya samu Trump a wannan karon bayan jami’an hukumar FBI sun bayyana cewa sun dakile yunkurin kisan nasa.
Da yawa daga cikin jami’an sun yi ta harbi cikin daji ta inda aka ji motsi bayan ganin mutumin a dan tazara tsakaninsa da inda Trump ke wasa a cewar hukumomi.
Mutumin da ake zargi ya bar bindiga kirar AK-47 da kuma wasu kayayyaki bayan ya ranta a na kare cikin wata mota, sai dai daga bisani an cafke shi.
Wannan yunkurin kisan Trump na zuwa ne watanni biyu bayan an yi masa rauni a kunnen dama da bindiga yayin yakin neman zabe a Pennsylvania.
Wadannan lamuran da suka faru na nuna kalubalen da ke gaban jami’an tsaro na tabbatar da tsare rayukan ‘yan takara a zaben Amurka dake tafe cikin watan Nuwamban shekarar 2023.
DW
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
