Labarai
Shugaba Tinubu Na Kan Haryar Zuwa Maiduguri Don Ganin Irin Ɓarnar Da Ambaliyar Ruwa Ta Yi

DAGA NUSAIBA ABDULLAHI TUKUNTAWA
Rahotanni na nuni da cewa shugaban Kasa Bola Ahmed Tinubu, na kan hanyarsa ta zuwa Maiduguri babban birnin jihar Borno, domin ganewa idonsa irin ɓarnar da ambaliyar ruwan da aka samu tayi wa birnin.
Idan dai ba a manta ba, a farkon makon da ya gabata ne aka samu ambaliyar ruwa a jihar, wacce ta shafe sama da kaso 70 a birnin Maiduguri, lamarin da ya hukumomi suka bayyana a matsayin annoba mafi muni da aka samu a birnin cikin gwamman shekaru.
Sa’aoi bayan faruwar lamarin ne dai mataimakin shugaban Najeriya kuma tsohon gwamnan jihar Sanata Kashim Shettima, ya isa birnin don jajantawa al’umma da gwamnatin jihar.
A cewar gwamnan jihar Babagana Umara Zulum, kimanin mutane miliyan biyu ne iftila’in ya shafa, inda daruruwan mutane suka bar gidajensu.
Tuni dai gwamnatoci da ƙungiyoyi masu zaman kansu da kuma dai-daikun jama’a suke tashi tsaye wajen tallafawa waɗanda lamarin ya shafe, ganin yadda mutane ke cikin matukar buƙatar agajin gaggawa.
FRI
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
