Labarai
Wasu ‘yan daba sun banka wa hedikwatar ADC a Ekiti wuta
Advertisements

Wasu da ake zargin ‘yan daba ne sun cinna wuta ga sakatariyar jam’iyyar ADC da ke Ado-Ekiti, babban birnin jihar Ekiti, a daidai lokacin da ake shirin kaddamar da sabbin shugabannin jam’iyyar a jihar.
Wutar ta lalata kadarori da dama ciki har da tantin da ke daukar mutum 1000 da kujerunsa, da kuma wani bangare na ginin sakatariyar da aka banka wa wuta.
Mambobin jam’iyyar ADC sun yi Allah-wadai da harin, suna kuma kira ga hukumomin tsaro da su binciko wadanda suka aikata wannan ta’asa tare da gurfanar da su a gaban doka.
A halin yanzu, magoya bayan jam’iyyar sun taru a hanyar Basiri inda sakatariyar ta ke, suna jiran zuwan jagororin jam’iyyar na kasa da za su kaddamar da sabbin shugabannin.
Advertisements
