Fashewar tukunyar gas ta jikkata mutum 20, da ƙona shaguna a Kano

Daga maryam bashir musa

Ko a cikin watan da ya gabata sai da aka samu irin wanna fashewa da ta yi sanadin rayuka tara a KanoImage caption: Ko a cikin watan da ya gabata sai da aka samu irin wanna fashewa da ta yi sanadin rayuka tara a Kano

An samu fashewa a shagon sayar da gas ɗin girki a wata unguwa da ke cikin garin Kano, lamarin da ya jikkata mutum 20 da ƙona shaguna da dama.

Wannan na zuwa ne makwanni bayan samun shigen wannan fashewar a titin Aba ta kasuwar Sabon Gari a Kano, inda mutum 9 da suka mutu baya ga wadanda suka jikkata.

Ko da yake a wannan lokacin an yi ta samun bayanai masu cin karo da juna, rundunar ‘yan sanda na cewa tukunyar gas ce, ganau kuma na cewa bam ne.

Rahotanni dai na cewa iftila’in na wannan lokaci ya faru ne a unguwar Sheka, Karshen-Kwalta.

Kuma babu bayanai da aka samu na mutuwa.