Rikici ya tilasata wa dubban ‘yan Sudan Ta Kudu guduwa Sudan

DAGA MUHAMMAD MUHAMMAD ZAHRADDIN 

A kalla mutum 1,700 ne suka tsere wa rikicin da ke faruwa tsakanin bangaren sojoji a arewacin Sudan Ta Kudu kusa da Nile wanda ya gangaro cikin Sudan, kamar yadda gidan jaridar Sudan din Suna ya rawaito.

Hukumar Unicef ta MDD ta ce rikici tsakanin sojojin da ya fara a watan Agusta ya tilastwa dubban maza da mata tserewa daga muhallansu, saboda ci gaba da samun kashe fararen hula da ake yi, ana sace wasu wasu kuma a raunata su.

Abin Da Ya Sa Tinubu Da Atiku Kasa Ambaton Jam’iyyunsu

Tun daga nan rikicin ya watsu zuwa yankin Jonglei dana Unity.

A ranar Laraba, MDD ta ce rikicin ya yi sanadin mutuwar mutum 166 ya zuwa yanzu.

Ana ta kiraye-kiraye ga kungiyoyin ba da agaji su kai agajin gaggawa ga wadanda suke neman tsira.