Labarai
Tsohon Ma’aikacin Radio Kano, Malam Ali Sufi Utai, Ya Rasu Yana Da Sama Da Shekara 100

Tsohon ma’aikacin gidan rediyo na Radio Kano, Malam Ali Sufi Utai, ya rasu yana da shekaru sama da 100 a duniya.
Ɗansa kuma ɗan jarida, Auwalu Ali Sufi Utai, ne ya tabbatar da hakan cikin wata hira da ya yi da NIGERIAN TRACKER.
Ya Kamata A Fara Tilasta Wa Matasa Samun Horon Soji A Najeriya – Ihejirika
A cewar Auwalu, mahaifinsa ya rasu ne bayan fama da jinya, inda ya kasance ɗaya daga cikin ma’aikatan da suka sadaukar da rayuwarsu wajen aiki tukuru a gidan rediyon Radio Kano — ɗaya daga cikin tsoffin gidajen rediyo a Najeriya.
Marigayin ya rasu ne kwanaki shida da suka gabata, inda ya bar ’ya’ya da jikoki da tattaba-gida da dama.
An haifi Malam Ali Sufi Utai a garin Utai da ke ƙaramar hukumar Wudil, a jihar Kano, inda ya shahara da rikon gaskiya da sadaukarwa a aikinsa na rediyo.
Ana sa ran za a gudanar da addu’o’i na musamman domin roƙon rahamar Allah a gare shi, tare da jaje ga iyalansa da al’ummar Wudil gaba ɗaya.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
