Labarai
Jami’an Hukumar EFCC Sun Tsare Aminu Waziri Tambuwal, Tsohon Gwamnan Sokoto

Hukumar Yaki da Yi wa Tattalin Arziki Tu’annati (EFCC) na tsare da kuma binciken tsohon Gwamnan Jihar Sokoto, Sanata Aminu Tambuwal, a Abuja kan zargin cire kuɗaɗe ba bisa ka’ida ba har naira biliyan 189.
Majiyoyi daga hukumar sun ce cire kuɗaɗen sun saba wa dokar hana almundahana ta kuɗi (Money Laundering Prevention & Prohibition Act, 2022).
Mutumin Da Ake Zargi Da Ajalin Jami’in Civil Defence Ya Rasu A Hannun Hukumar A Jigawa
Ba a tabbatar da lokacin da aka yi wadannan cire-cire ba a halin yanzu.
Rahotanni sun bayyana cewa tsohon gwamnan ya isa hedikwatar EFCC da misalin ƙarfe 11:30 na safe, inda ake masa tambayoyi kan zargin almundahana.
Tambuwal ya shugabanci Jihar Sokoto daga 2015 zuwa 2023, kuma ya taba zama Kakakin Majalisar Wakilai daga 2011 zuwa 2015.
Kakakin EFCC, Dele Oyewale, ya ki yin bayani kan lamarin lokacin da aka tuntube shi.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
