Nuna Bangaranci A Aikin Jarida Da Siyasar Kama Karya Na Kara Ta’azzara – Abdulbaqi Durumin Iya

A safiyar yau ne na ga wani rahoton gidan jaridar Solacebase ya jawo cece-kuce a Kano, musamman saboda taken sa mai tayar da hankali:

“MAAUN under scrutiny as Kano Anti-Graft Agency suspends payment of 750,000 graduation fee.”

Masu sharhi na ganin rahoton ya nuna yadda wasu kafafen labarai ke nuna bangaranci a aikin jarida da kuma yadda ake amfani da kafar labarai wajen siyasar kama karya, ba tare da cikakken bincike ba.

MAAUN na daga cikin jami’o’in kudi masu zaman kansu a Kano. Duk da irin nasarorin da jami’ar ta samu, rahoton bai bayar da cikakken haske ba kan irin gudummawar da jami’ar ke bayarwa a fannin ilimi da tattalin arziki.

A shekarar 2024 da kuma 2025, jami’ar ta samu matsayi na  biyu sannan na ɗaya a jerin AdScientific Index, babban yabo da ba a cika haskawa a kafofin watsa labarai ba.

Tun daga fara karatu a 2021, jami’ar ta taka rawa a fannoni da dama kamar , Samar da guraben aiki ga daruruwan matasa, Inganta kasuwanci da tattalin arziki a Hotoro da kewaye, Ba wa dubban ɗalibai damar samun ilimi mai inganci.

A yau, MAAUN na ɗaya daga cikin jami’o’in kudi mafi yawan ɗalibai a Kano — alamar yadda jama’a ke yarda da ita.

Rahoton ya nuna cewa jami’ar na fuskantar bincike kan kudin kammala karatu, amma bayanan jami’ar sun nuna cewa kashi 99.8% na ɗaliban da za su kammala sun biya kudin. Wannan na nuni da cewa ƙaramin rukuni ne ke ƙoƙarin amfani da kafafen labarai wajen tayar da hankali.

Masu sharhi na tambaya: me ya sa wasu mutane, musamman wadanda ba ma ‘yan Kano ba, ke tsoma baki a lamuran ci gaban jami’a? Wannan yana nuna yadda wasu ke amfani da siyasar kama karya wajen rage darajar zuba jari da gagarumin aiki na gida.

Duk da hayaniyar da rahoton ya jawo, tarihin nasarorin jami’ar ba zai shuɗe ba. Gudummawar ta ga ilimi, tattalin arziki, da samar da ayyukan yi a Kano.

MAAUN na bukatar Rahotanni masu gaskiya da cikakken bincike, Kare suna da martaba, Adalci da fahimta a duk tattaunawa da rahoto.

Jami’ar ta ce burinta shi ne ci gaba da bunkasa ilimi, tallafa wa matasa, da inganta martabar Kano da Najeriya — lamarin da ba rahoton da ba a tabbatar da shi ba zai canza ba.