Labarai
Gwamnati Ta Karrama Limamin Da Ya Tausasa Kyanwa Yana Jan Sallah

Gwamnatin Aljeriya ta karrama Imam Walid Mehsas wanda kyanwa ta dare jikinsa a daidai lokacin da yake jagorantar Sallar Tarawih.
Limamin cikin tausasawa ya yi ta shafar kwanyar wadda ta sumbaci kuncinsa kafin ta sauka daga jikinsa don radin kanta.
Wani bidiyo da ya karade shafukan sada zumunta ne ya nuna yadda Imam Walid ya mu’amalanci kwanyar cikin kyan yanayi, lamarin da ya kayatar da jama’a da dama hatta wadanda ba Musulmi ba daga sassan duniya.
Limamin ya sha yabo da jinjina, yayin da manyan kafafen yada labarai na duniya suka yi ta yada labarin.
Gwamnatin Aljeriya ta gayyace shi ta shirya masa liyafa ta musamman, inda Ministan Kula da Lamurran Addini na Kasar, Dokta Youssaf Belmahdi ya yaba masa kan wannan kyakkyawar dabi’ar da ya nuna wa dabba.
(rfi)
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
