Labarai
Kotun Daukaka Kara da ta kori Kakakin Majalisar Dokokin Jihar Nasarawa

DAGA YASIR SANI ABDULLAHI
Kotun Daukaka Kara da ke Abuja ta kori Kakakin Majalisar Dokokin Jihar Nasarawa, Ibrahim Balarabe bayan soke nasararsa a zaben da aka gudanar a ranar 18 ga watan Maris da ya gabata.
A ranar Talata ne kwamitin alkalai uku, ya bayyana dan takarar jam’iyyar PDP, Sa’ad Abdullahi Ibrahim (Turakin-Opanda), a matsayin wanda ya lashe zaben mazabar Umaisha/Ugya ta jihar.
Wasu da ake zargin mayakan Boko Haram ne sun hallaka akalla mutane 11 masu saran itace a Borno
Kazalika kotun, ta tabbatar da nasarar Jacob Ajegana Kudu na jam’iyyar APC, mai wakiltar mazabar Nasarawa Eggon ta Gabas a zaben Majalisar Dokokin Jihar Nasarawa da aka gudanar a ranar 18 ga watan Maris, 2023 a jihar.
Aminiya ta ruwaito cewa, kotun ta yi watsi da karar da Ibrahim Muhammed dan takarar jam’iyyar PDP ya shigar, wanda ke kalubalantar sakamakon zaben da aka yi.
Da yake jawabi ga manema labarai jim kadan bayan yanke hukuncin, Kudu ya sadaukar da nasararsa ga ikon Allah, inda ya nuna godiya ga bangaren shari’a bisa yadda suka bi ra’ayin jama’a tare da jaddada aniyarsa ta yi wa ‘yan mazabar hidima.
A Wani labarin kuma Wasu da ake zargin mayakan Boko Haram ne sun hallaka akalla mutane 11 masu saran itace a Borno
Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.
Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.
A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.
Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
