Hanyoyi 5 Na Samun Saukin Tsadar Rayuwa A Najeriya

DAGA UMAR IBRAHIM HOTORO

Hauhafan farashin kayan masarufi a Najeriya ya jefa iyalai da dama cikin halin ni-’yasu.

Janye tallafin man fetur da gwamnati ta yi shi ne babban dalilin tashin gwauron zabon abubuwa a kasar; ko da yake wani masannin tattalin arziki, A.G Mukhtar, ya bayyana cawa karin haraji da tashin farashin canjin Dala sun taimaka wajen hauhawan farashi a kasar.

Aminiya ta ruwaito cewa a kan haka ne ya ba ba da wadannan shawarwari kan yadda za a samu sauki a wannan yanayi na tsadar rayuwa.

1- Takaita kashe kudi

Mukhtar ya ce akwai bukatar al’ummar Najeriya su rika lissafi su guji yin saye-saye barkatai, da haka ne za a adana kudade, a kuma rage wai nauyi biyan abubuwan da aka saya.

2- Hakura da kayan alfarma

Masanin ya kuma jaddada muhimmanci a hakura da sayen kaya na alfarma, a koma amfani da wadanda za su maye gurbinsu.

Ya ce, “Ka guji kashe kudade kan abubuwan da ake yawan amfani da su musamman idan farashinsu ya yi tashin gwauron zabi sai dai idan larura ce kamar biyan kudin magani.”

3- Daina tafiye-tafiye barkatai

Kamata ya yi a halin da ke ciki a hakura da tafiye-tafiye da ba na dole ba, kamar na yawon bude ido, gara a adana kudin da za a kashe domin wasu bukatu da ke iya tasowa.

4- Kara hanyoyin samun kudi

Samun wasu hanyoyin samun kudaden shiga banda albashi zai taimaka sosai.

5- Zuba jari

Su daure su rika sanya jari da kasuwanci mai riba, mai maimakon kashe kudadensu barkatai. Da haka ne za su rika samun wasu kudaden gudanar da harkokinsu na yau da kullum.