Malan Muhammad Sani Umar Rijiyar Lemo “Ya Zama Cikakken Farfesa A Sashen Nazarin Hadisi 

DAGA YASIR SANI ABDULLAHI

Jami’ar Bayero  (BUK )  ta naɗa Malan  Muhammad Sani Umar R/Lemo daga Mataimakin Farfesa zuwa cikakken Farfesa.

Jami’ar ta ce tayi farin ciki da murnar zamowar malamin cikakken Farfesa daga mukamin karamin Farfèsa.

Jaridar Daily Reality ta rawaito Malamin ya zamo  Farfesa a Sashen Nazarin Hadisi  wanda hukumar gudanarwar Jami’ar ta ce ya kware kan zantuka na hadisan Annabi Muhammad (SAW).

Sanarwar ta cigaba da cewa wannan nadin da akayiwa Malamin ya biyo bayan chanchnatarsa da aiki  tuƙuru tsawan shekaru masu yawa da aiki  a  duniyar ilimi da ilimin Islama.

Mutane da dama ciki harda abokakan aikinsa abokan Ilimi  da dalibansa ne suka tayashi murna  tare da yimasa addu’o’in samun nasara da kuma karin albarka a sabon matsayin daya zama.