News
Allah Ya Yi Wa Sakataren NRO, Injiniya Abdulkadir Gude Rasuwa
Allah Ya yi wa Sakataren Kungiyar Northern Reform Organization (NRO), Injiniya Abdulkadir Yusuf Gude, rasuwa.
Injiniya Gude ya rasu ne a ranar Juma’a yana da shekara 65 a duniya, bayan fama da doguwar jinya.
Matsalar Wuta: Najeriya Na Da Arziki, Amma Jama’a Na Rayuwa A Duhu
Marigayin yana daya daga cikin wadanda suka kafa kungiyar NRO, wadda aka kirkira domin tallafa wa yankin Arewa wajen fuskantar matsalolin da ke damunta tare da kawo sauyi mai amfani.
An san Injiniya Gude da kishin kasa da sadaukarwa wajen aiki tukuru don ganin Arewa ta ci gaba.
Ya shafe shekaru yana aiki a Hukumar Albarkatun Ruwa da Ayyukan ta Kano wato Kano water resources and engineering construction agency (WRECA) da kuma a Kamfanin Aluminium Smelter Company da wasu cibiyoyi da dama.
Daya daga cikin aminansa, Mahmoud Adnan Audi, ya tabbatar da rasuwar Injiniya Gude, inda ya ce za a gudanar da jana’izarsa bayan sallar Juma’a da misalin karfe 2:30 na rana a tsohuwar harabar Jami’ar Bayero da ke Kano.
Muna rokon Allah Ya gafarta masa, Ya jikansa, Ya kuma sanya shi cikin Aljannatul Firdaus.
YAƘI DA SHA DA FATAUCIN MIYAGUN ƘWAYOYI A KANO: Gagarumin Aiki Ne Ke Gaban Kwamitin Muhuyi Rimingado
Gwamnatin Tarrayya Za Ta Sake Nazari Kan Mafi Ƙarancin Albashi Na N70,000
‘Yan Bindiga Sun Hallaka Tsohon Shugaban APC A Kebbi
Kotunan Majistire Za Su Tsunduma Yajin Aiki A Kwara
Kudirin Kafa Yansandan Jahohi Na Iya Lashe Sama Da Naira Biliyan 800 —Masana
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
