Labarai
Gwamnatin Katsina Ta Fara Rushe Shagunan Da Aka Gina Ba Bisa Ƙa’ida Ba

Gwamnatin Jihar Katsina ta fara rushe shagunan jama’a da aka gina a gefen tituna da kuma kusa da gine-ginen gwamnati ba bisa ƙa’ida ba a cikin birnin Katsina.
Hukumar Tsara Birane da Gundumomi ta jihar (URPB) ce ke gudanar da aikin, da nufin tabbatar da bin ƙa’idojin gine-gine da kare muhalli da lafiyar jama’a.
Wuraren da aka fara da su sun haɗa da shatatalen High Court zuwa hanyar Daura, titun Sarki Abdulrahman, da kwaran High Court, tare da wasu muhimman sassan cikin birnin Katsina.
Wasu daga cikin masu shagunan da aka rusa sun bayyana rashin jin daɗi, inda suka zargi hukumomin da rashin bayar da isasshen lokaci ko damar gyarawa kafin rushe shagunan nasu.
Sai dai hukumar URPB ta ce aikin ba zai tsaya ba, har sai an share duk wuraren da aka gina ba bisa ƙa’ida ba, domin inganta kyawun birnin da tabbatar da tsaro da tsaftar muhalli.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
