News
ZARGIN YUNƘURIN KIFAR DA GWAMNATI: Falana Ya Bukaci Sojoji Su Ba ’Yan Najeriya Haƙuri
Fitaccen lauya mai kare haƙƙin ɗan Adam, Femi Falana (SAN), ya caccaki Rundunar Sojin Najeriya kan yadda ta tafiyar da zargin yunƙurin juyin mulki da aka danganta da wasu jami’anta.
Falana ya ce rundunar ya kamata ta ba ’yan Najeriya haƙuri, saboda yadda aka rikita lamarin tun farko.
Wutar Lantarki Ta Sake Lalacewa Karo Na Biyu A Shekarar 2026
A watan Satumba 2025, Hukumar Leken Asiri (DIA) ta kama manyan jami’an soji 16, ciki har da Birgediya Janar, Kanal, Laftanar Kanar da Manjoji, bisa zargin shirya kifar da gwamnati. Sai dai kwanan nan, Rundunar Sojin Najeriya (AFN) ta sanar da kammala bincike, inda ta ce wasu daga cikin jami’an za su fuskanci kotunan soja kan laifukan rashin ladabi da saba dokokin aiki.
Falana ya bayyana hakan ne a ranar Talata a shirin The Morning Brief na Channels TV, inda ya ce rundunar ta ruɗi jama’a tun farko, saboda a baya ta musanta rahotannin yunƙurin juyin mulki gaba ɗaya.
“Abin da ya kamata rundunar soji ta yi jiya shi ne ta ba ’yan Najeriya haƙuri. Dole ne masu riƙe da madafun iko su fara girmama jama’a,” in ji Falana.
Ya ce janye matsaya ba tare da neman afuwa ba abin Allah wadai ne, musamman ganin cewa a baya rundunar ta musanta yunƙurin juyin mulki gaba ɗaya.
Kano: ‘Yan Bindiga Sun Hallaka Mutum, Sun Yi Awon-Gaba Da Shanu Sama Da 400 A Gwarzo
Ibrahim Ali Amin Little Ya Sayi Fom Din Takarar Gwamna A Jam’iyyar ADC
Babu Hujjar Alaƙanta Gwamnati Da Kisan Da Akayi a Kano — Kungiyar NDWG
Hadakar Malamai Sun Bukaci A Gudanar Da Siyasar Kano Cikin Lumana
Burkina Faso ta Dakatar Da Ƙungiyoyi Masu Zaman Kansu Sama Da 200
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
JAMB Ta Sanya Ranar Da Za A Fara Jarabawar UTME Ta 2026
