Jami’an NDLEA Sun Bankaɗo Wasu Koguna Da Ake Hada-hadar Miyagun Ƙwayoyi A Kano

Hukumar hana sha da fataucin miyagun ƙwayoyi ta ƙasa NDLEA reshen Jihar Kano, ta ce ta gano wasu manyan koguna da ramuka da ake amfani da su wajen hada-hadar miyagun ƙwayoyi a yankin Rimin Kebe da ke birnin Kano.

Wannan na ƙunshe cikin wata sanarwa da jami’in hulɗa da jama’a na rundunar, Sadiq Muhammad-Maigatari, ya fitar a ranar Laraba a Kano.

Kotun Koli Da Gwamna Abba Ne Kadai Ke Da Wuka Da Nama Kan Batun Masarautar Kano  —Ganduje

Jami’in ya ce an gano waɗannan wurare yayin wani samame da rundunar ta kai na “Operation Sharar Mafaka” don murƙushe hada-hadar miyagun ƙwayoyi a faɗin jihar.