Sports
Kasuwar ƴan ƙwallo. Mbappe na dab da komawa Madrid, Lingerd zai bar United, Cannavaro zai dawo ruwa
Daga muhammad muhammad zahraddin
Manchester United za ta bar ɗan wasan Ingila Jesse Lingard, mai shekara 29, ya tafi na din-din-din a wannan watan, yanzu dai Newcastle na zawarcinsa. Sai dai Unitd din ba za ta bar Lingard ya koma West Ham ko Tottenham ba saboda ba ta son karfafa abokan hamayyarta. (Sky Sports)
Paris St-Germain na tattaunawa don ɗakko ɗan wasan tsakiyar Tottenham da Faransa Tanguy Ndombele, mai shekara 25, a matsayin aro. (Goal)
Har yanzu Sevilla na son ɗakko ɗan wasan gaban Manchester United da Faransa Anthony Martial, mai shekara 26, a matsayin aro duk da kin amincewa da tayin da aka yi mata, amma tana iya komawa kan dan wasan gaban Faransa Moussa Dembele na Lyon, mai shekara 25 a madadinsa. (Marca)
Real Madrid na daf da daukar ɗan wasan gaban Faransa Kylian Mbappe, mai shekara 23, daga Paris St-Germain a kyauta idan kwantiraginsa ya ƙare (ESPN
Kungiyoyi biyu, ciki har da daya a Jamus, suna sha’awar siyan dan wasan gaban Faransa Ousmane Dembele a matsayin aro bayan an gaya wa dan wasan mai shekaru 24, wanda ya koma Barcelona a kan fam miliyan 135 a 2017 cewa zai iya tafiya saboda ya ki sanya hannu kan sabon kwantaragi.(Sports)
Newcastle United ta kai tayin fan miliyan 14.5 kan dan wasan Bayer Leverkusen da Netherlands Mitchel Bakker, mai shekara 21. (Mail)
Tottenham na tunanin zawarcin dan wasan AC Milan da Ivory Coast Franck Kessie, mai shekara 25, a lokacin cin kasuwar saye da sayar da ƴan wasa da ke ci a yanzu haka (Telegraph).
Dan wasan Faransa Paul Pogba ya ki faɗa wa Manchester United ko yana son ci gaba da zama a kungiyar bayan kakar wasa ta bana, lokacin da kwantiraginsa zai kare. Paris St-Germain da Real Madrid da kuma Juventus na zawarcin dan wasan mai shekaru 28. (minti 90)
Everton ta tattauna da dan wasan bayan Italiya Fabio Cannavaro, mai shekara 48, kan ko zai zama kocinta. Cannavaro ya jagoranci kungiyar Guangzhou Evergrande ta ƙasar Sin har zuwa watan Satumba. (Telegraph).
Kocin Watford Claudio Ranieri ya tabbatar da cewa kungiyar na kokarin dauko dan wasan Bordeaux mai shekara 24 da kuma dan wasan Najeriya Samuel Kalu kan fan miliyan 3, sannan kuma suna zawarcin dan wasan bayan Liverpool na Ingila Nathaniel Phillips, mai shekara 24. (Evening Standard).
Southampton na son dauko dan wasan gaba na Albania Armando Broja kan kwantiragin din-din-din daga Chelsea bayan dan wasan mai shekaru 20 ya taka rawar gani a lokacin zaman aro na kaka daa Saints. (Independent)
Tottenham ta shiga cikin jerin kungiyoyin da ke son dauko dan wasan Hull City dan kasar Ingila Keane Lewis-Potter, mai shekara 20. Tigers din ta ki amincewa da tayin £8m daga Brentford a watan Agusta sannan Southampton, da Leicester da West Ham suma suna zawarcinsa. (Times)
Liverpool da West Ham na sha’awar sayen dan wasan Fulham Fabio Carvalho mai shekaru 19, wanda haifaffen Portugal ne amma ya wakilci Ingila a matakin ‘yan kasa da shekaru 18. (Express)
Kungiyar Leeds United ta yi watsi da tayin fan miliyan 15 da kungiyar Red Bull Salzburg ta Austria ta yi na sayen dan wasan tsakiyar Amurka Brenden Aaronson mai shekaru 21. (Yarkin Yamma na Yorkshire)
Kocin Norwich City Dean Smith na iya kiran dan wasan gaban Ingila Jordan Hugill, mai shekara 29, daga aro a West Bromwich Albion. (East Daily Press)