Connect with us

News

‘Yan fashi sun kashe mutum 12 da sace dagaci a Bakori, an kuma kashe mutum 44 a Neja

Published

on

Spread the love

Daga yasir sani abdullahi

Wasu ‘yan bindiga da ake kyautata zaton ‘yan fashin daji ne sun afka wa yankin Ƙaramar Hukumar Bakori da ke Jihar Katsina a arewacin Najeriya, inda suka kashe mutane da dama tare da sace dagacin garin Guga ranar Litinin da dare.

Wani mazaunin garin da muka sakaya sunansa saboda tsaro ya shaida wa BBC Hausa cewa maharan sun tafi da matarsa da ‘yarsa sannan suka ƙona gidansa.

Maharan sun afka wa garin na Guga da misalin ƙarfe 10:30 suna harbe-harbe.

“Duka shagunan garin sun ƙona su,” a cewar Mahadi. “Sun ƙona gidaje. Ni kaina nan sun ƙona min gida, an kama min mata, an kama min ‘ya ‘yar ƙarama, an kama min ƙanne.”

Advertisement

Kazalika, ‘yan fashin sun tafi da mai garin Guga Alhaji Umaru Bala. Daga cikin wasu manyan mutanen garin da aka sace a harin akwai Alhaji Usman Babanyara da Ado Hassan da Malam Umaru Ɗan-Asabe.

Mai magana da yawun rundunar ‘yan sandan Katsina bai tabbatar ko musanta faruwar lamarin ba, yana mai cewa zai tuntuɓa idan ya bincika.

Malam Mahadi ya ƙara da cewa ya zuwa yanzu an yi jana’izar mutum 12.

Advertisement

Haka nan ya ce waɗanda aka sace sun kai kusan mutum 50 duk da cewa ba su gama tantancewa ba, kuma ya zuwa lokacin haɗa wannan rahoton ‘yan bindigar ba su tuntuɓe su ba.

“Shekaran jiya ma (Lahadi) sun shiga wani gari sun kashe mutum 10 amma babu wanda ya zaci cewa za su sake dawowa,” a cewarsa.

Advertisement
Advertisement
Click to comment

Leave a Reply

Your email address will not be published. Required fields are marked *