Yajin Aiki: TCN ta Musanta Rahoton Datse Wutar Lantarki A Fadin Nijeriya

DAGA YASIR SANI ABDULLAHI 

Yayin da ma’aikata a fadin Nijeriya ke yajin aikin sai baba-ta-gani a ranar Talata, Kamfanin Wutar Lantarki na Nijeriya (TCN), ya musanta rahoton da wata jarida ta yanar gizo ta fitar, inda tace, kamfanin wuta ya tsayar da raba wutar lantarki a fadin kasar sakamakon yajin aikin da ma’aikatan ke gudanarwa.

TCN, a cikin wata sanarwa dauke da sa hannun majalisar gudanarwarta, wacce LEADERSHIP ta samu kwafinta, ta ce, tashar wutar lantarki ta kasar nan tana nan cikin aminci, kuma tana samar da wutar lantarki mai yawa ga cibiyoyin rarraba wutar a fadin kasar.

Zaben Nijeriya Ya Zama Iya Kudinka Iya Shagalinka -Shehu Sani

“Kamfanin wutar lantarki na Nijeriya, TCN ya bayyana cewa, jaridar Daily Post ta buga wani labari, inda ta yi zargin cewa, shugaban hulda da jama’a na TCN ya ce, kamfanin zai tsayar da bada wuta, hakan ba gaske ba ne zallar karya ce da yaudara.

“Maganar bata da tushe balle makama domin TCN ta bakin Shugaban Hulda da Jama’a na kamfanin bai yi irin wannan kalamai ba.” Inji TCN.

A wani labarin kuma Zaben Nijeriya Ya Zama Iya Kudinka Iya Shagalinka -Shehu Sani

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.