News
Kotu Ta Tsare Wani Saurayi Da Budurwa A Gidan Gyaran Hali A Kano
DAGA MARYAM BASHIR MUSA
Wata babbar kotun majistare da ke zamanta a Kano, a ranar Alhamis, ta bayar da umarnin tsare Aliyu Yakubu mai shekaru 24 da Aisha Sani, 19, a gidan gyaran hali bisa zargin yin zina.
Mutanen biyu da ke zaune a Hotoro Yandodo Quarters Kano, ana tuhumar su da laifin hada baki da zina.
Mai gabatar da kara, Miss Khadija Aliyu, ta shaida wa kotun cewa wadanda ake tuhumar sun aikata laifin ne a shekarar 2023, a Hotoro Quarters Kano.
Ta yi zargin cewa wadanda ake tuhumar sun hada baki ne a tsakaninsu, inda suka yi lalata da juna.
A cewar mai gabatar da kara, laifin ya ci karo da sashe na 97, 387 da 388 na kundin laifuffuka.
Wadanda ake tuhumar sun amsa laifin da ake tuhumar su da aikatawa.
Alkalin kotun Fauziyya Isa-Sheshe, ta bayar da umarnin a garkame wadanda ake kara a gidan gyaran hali.
Isa-Sheshe ta dage ci gaba da sauraron karar har sai ranar 8 ga watan Fabrairu domin yanke hukunci.
Hatsarin Mota Ya Hallaka Mutum 12 A Hanyar Kano Zuwa Katsina
Kotu Ta Yanke Wa Matasa Biyu Hukuncin Kisa Kan Rikicin Ƙwallon Ƙafa A Kano
Gidauniyar Fistula Foundation Ta Nuna Damuwa Kan Hana Masu Yoyon Fitsari Zuwa Asibiti
Falaloli 12 Da Ya Kamata Ku Sani Kan Ranar Arafa
Farfesa Adamu Gwarzo: Jagoran Da Ke Daga Darajar Ilimi Da Ci gaban Dan Adam A Afirka
Wani Matashi Dan Kano Ya Yanke Gaban Sa
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
KANO: ‘Yan Bindiga Sun Hallaka Mutum 2 A Gwarzo
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
