News
Hukumar Kula da Lafiya A Matakin Farko Ta Sabunta Asibitoci 58 A Jihar Nasarawa
DAGA ZUBAIRU M. LAWAL, LAFIA
Gwamnatin Jihar Nasarawa ta fara aikin sabunta asibitoci 58 a fadin jihar ta hannun Hukumar Cigaban Kula da Lafiya ta Firamari (NAPHDA), domin inganta lafiyar al’umma.
Shugaban hukumar, Dr. Usman Saleh, ya bayyana hakan yayin wata zantawa da manema labarai a Lafia, inda ya ce wannan aiki yana da nufin samar da ingantacciyar kiwon lafiya ga kowa. Ya bayyana cewa Bankin Duniya da wasu abokan hulda ne ke tallafa wa shirin, wanda zai inganta kayayyakin aiki da gine-ginen asibitocin da aka zaba.
Dr. Saleh ya ce ana sa ran kammala aikin kafin karshen watan Yuni 2025, yana mai yabawa Gwamna Abdullahi Sule bisa jajircewarsa wajen bunkasa lafiyar jama’a.
Ya bukaci hadin gwiwa da masu ruwa da tsaki, musamman manema labarai, domin wayar da kan jama’a game da muhimmancin kiwon lafiya.
Shugaban Kungiyar Manema Labarai na Jihar, Kwamared Isaac Ukpoju, ya jaddada goyon bayan su ga wannan shiri domin tabbatar da ingantaccen kulawar lafiya a jihar.
Da Dumi-Dumi: Gwamnan Kano Ya Tura Da Sunan Murtala Sule Garo A Domin Tantance Shi A Matsayin mataimakinsa
Hon.sha’aban Ya Jaddada Janye Neman Takarar Sanatan Kaduna Ta Arewa, Tare Da Bayyana Goyon Duk Wanda Apc Ta Tsayar
An Samu Bullar Cutar Covid-19 A Najeriya Shekaru Bayan Duniya Ta Yi Fama Da Ita
Dakarun Sojin Sama Sun Hallaka Tarin ‘Yan-Ta’adda A Dajin Sambisa
Gwamantin Tarraya Ta Fitar Da Litar Man Jirgi Fiye Da Biliyan 1 Zuwa Turai Cikin Kwanaki 50
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
