News
Babban Sufeton Ƴan Sandan Najeriya Ya Janye Sammacin Da Ya Yi Wa Sarki Muhammadu Sanusi II
Rundunar ‘Yan Sanda ta Kasa ta soke gayyatar da ta aikewa Sarkin Kano, Alhaji Muhammadu Sanusi II, domin ya bayyana a gaban hedikwatar ‘yan sanda da ke Abuja.
Sanarwar da kakakin rundunar, Olumuyiwa Adejobi, ya fitar a ranar Asabar ta bayyana cewa Sufeto Janar na ‘Yan Sanda, Kayode Egbetokun, ne ya dauki wannan mataki, bayan shiga tsakani da tuntubar wasu manyan masu ruwa da tsaki a cikin kasa, wadanda suka bukaci a bi hanyar da za ta tabbatar da zaman lafiya da kwanciyar hankali.
Gayyatar Sarkin Kano: Ya Kamata Rundunar ‘Yan Sandan Najeriya Ta Tsare Mutuncinta
Duk da soke gayyatar, Sufeto Janar ya umurci rundunar ‘yan sanda ta Jihar Kano da su karbi bayanin Sarkin a cikin jihar, maimakon a taso keyarsa zuwa Abuja, domin ci gaba da bin diddigin batun cikin lumana da natsuwa.
Egbetokun ya jaddada cewa wannan mataki na daga cikin kudirin rundunar na kare martabarta da tabbatar da cewa aikinta na tsaro bai rikide zuwa harkokin siyasa ba, ko kuma a fassara shi da wani salo mai cike da rudani.
Wannan lamari dai na ci gaba da daukar hankali a fadin kasa, musamman ganin yadda siyasar Kano ke da matukar tasiri da kuma dumbin sha’awa a zukatanal’umma.
2027: An Bukaci Obi Da Kwankwaso Su Bayyana Matsayinsu Kan Sukar Sardauna
Mutane 49 Sun Mutu A Saharar Nijar Saboda Rashin Ruwan Sha
Ana Dab Da Kafa ’Yansandan Jihohi — Fadar Shugaban Ƙasa
Yadda Tashar Talabijin Mallakin Gwamnatin Kano Ta Zama Cibiyar Sare Bishiyu Da Sayar Da Itace
TARIHI: Yadda FEDECO Ta Yi Wa Jam’iyyu Biyar Rajista Domin Fafatawa A Zaɓuɓɓukan Jamhuriya Ta Biyu.
Wani Matashi Dan Kano Ya Yanke Gaban Sa
KANO: ‘Yan Bindiga Sun Hallaka Mutum 2 A Gwarzo
Falalar Kwana Goma Na Farkon Zul-Hijjah: Shawarwari Daga Manyan Malamai
Yadda Wata Mata Ta Banka Wa Mijinta Da Amaryarsa Da ‘Ya’yanta Guda Biyu Wuta A Kano
