News
ZAƁEN 2027: Bayan Shugaba Tinubu ƴan Takarar Shugaban Ƙasa 7 Ne Suka Fito Daga Kudancin Najeriya
Yayin da shirye-shiryen babban zaɓen shekarar 2027 ke ƙara ɗaukar zafi a Najeriya, alamu na nuna cewa yankin Kudancin ƙasar ne ya mamaye fagen neman kujerar shugaban ƙasa, inda baya ga Shugaba Bola Ahmed Tinubu, wasu fitattun ‘yan siyasa bakwai daga yankin suka bayyana a matsayin masu neman tikitin shugabancin ƙasa ta jam’iyyu daban-daban.
Shugaba Bola Ahmed Tinubu na jam’iyyar All Progressives Congress (APC) ya riga ya samu tikitin jam’iyyarsa domin neman wa’adi na biyu a zaɓen 2027.
NUT Ta Yi Barazanar Rufe Makarantu A Najeriya Saboda Matsalar Tsaro
A ɓangaren adawa kuwa, tsohon gwamnan Jihar Anambra, Peter Obi, ya bayyana a matsayin ɗan takarar jam’iyyar Nigeria Democratic Congress.
Haka kuma gwamnan Jihar Oyo, Seyi Makinde, ya shiga takarar shugaban ƙasa ƙarƙashin jam’iyyar Allied People’s Movement.
Tsohon shugaban ƙasa, Goodluck Jonathan, shi ma ya bayyana a matsayin ɗan takarar wani ɓangare na jam’iyyar People’s Democratic Party, duk da ci gaba da rikicin cikin gida da ke addabar jam’iyyar.
A jam’iyyar Social Democratic Party kuwa, an tsayar da Adewole Adebayo a matsayin ɗan takarar shugaban ƙasa bayan ya samu amincewar wakilan jam’iyyar a taronta na ƙasa.
Sauran waɗanda suka shiga fafatawar sun haɗa da tsohon gwamnan Jihar Cross River, Donald Duke na jam’iyyar People’s Redemption Party, da kuma ɗan gwagwarmaya, Omoyele Sowore na jam’iyyar African Action Congress.
Rahotanni sun kuma nuna cewa Anita Zugwai-Chukwu na daga cikin ‘yan takarar jam’iyyar Young Progressives Party da suka bayyana a fafatawar 2027.
Masana harkokin siyasa na ganin cewa yawaitar ‘yan takara daga Kudancin Najeriya na iya haifar da rarrabuwar ƙuri’un adawa, lamarin da zai iya sauya yanayin fafatawar zaɓen 2027 idan har ba a samu haɗin kai tsakanin manyan jam’iyyun adawa ba kafin lokacin zaɓe.
Jerin Jam’iyyu Da ‘Yan Takararsu
APC — Bola Ahmed Tinubu
NDC — Peter Obi
APM — Seyi Makinde
PDP — Goodluck Jonathan
SDP — Adewole Adebayo
PRP — Donald Duke
AAC — Omoyele Sowore
YPP — Anita Zugwai-Chukwu
Zargin Ɓata Suna: Gbajabiamila Ya Kai Adeyemi Kotu, Ya Nemi Diya Ta Naira Biliyan 15.2
Yan Bindiga Sun Tilastawa Mazauna Ƙauyukan Tserewa Daga Gidajensu A Benue
Kotu Ta Ɗaure Matashi Shekara 7 Kan Tallata Wiwi A Soshiyal Midiya A Kano
Dakarun Sun Dakile Harin ‘Yanta’adda A Iyakar Kano Da Katsina
An Kama ’Yan Ƙasar Waje Biyu Kan Zargin Shirya Garkuwa Da Mutum A Kwara
Akwai Yiwuwar Ƙara Kuɗin Kiran Waya Da Aika Saƙo A Najeriya
An Kama Mutum Takwas Saboda Yada Labaran Karya A Najeriya
Jami’an Ƴansanda Sun Kama Wani Mutum Da Wayoyin Sata Guda 36
JAMB Ta Soke Karatun Digirin Hadin Gwiwa Da Kwalejojin Ilimi A Najeriya
INEC Ta Ayyana Abiodun Oyebanji A Matsayin Wanda Ya Lashe Zaɓen Gwamnan Ekiti
-
News2 days agoKaruwar Ta’ammuli Da Miyagun Ƙwayoyi Tsakanin Mata Na Barazana Ga Makomar Iyali – Masana
-
Opinion6 days ago
Wakilcin Mataimakin Gwamna Garo A Taron Tsaro Na Arewacin Najeriya Abin A Yabawa Gwamna Yusuf Ne
-
News2 days ago
Zaben 2027: INEC Ta Amince Da Atiku Abubakar, ‘Yan Takarar ADC 470
