News
Jami’an Ƴansanda Sun Bankado Gidan Da Ake Noma Tabar Wiwi A legas
Rundunar ’Yan Sandan Jihar Legas ta gano wani gida da ake zargin ana amfani da shi wajen noman tabar wiwi a cikin gida a yankin Apapa, tare da kama wasu mutum biyu da ake zargi da hannu a lamarin.
Waɗanda aka kama sun haɗa da wani ɗan ƙasar Poland, Thomas Razvickas, mai shekaru 49, da wani ɗan Najeriya, James Chisome, mai shekaru 36.
Jami’an Ƴansanda Sun Bankado Wurin Buga Jabun Kudi Na Dalar Amurka A Ondo
Kakakin rundunar ’yan sandan jihar, Abimbola Adebisi, ce ta bayyana hakan cikin wata sanarwa da ta wallafa a shafinta na X, inda ta ce an kama mutanen ne da misalin ƙarfe 8:15 na safiyar ranar 2 ga Nuwamba, 2026, bayan samun bayanan sirri.
A cewarta, binciken gidan ya gano wasu na’urori da kayan aikin da ake amfani da su wajen shuka, girbe da sarrafa tabar wiwi.
Ta ce mutanen biyu, waɗanda ke zaune a gidan, sun riga sun bayar da bayanansu ga masu bincike, kuma suna taimaka wa jami’an tsaro wajen gudanar da binciken da ake yi.
Sai dai rundunar ba ta bayyana adadin tabar wiwi da aka samu a gidan ba, ko yawan wadda aka girbe, da kuma tsawon lokacin da ake gudanar da aikin a wurin.
Wannan dai ba shi ne karon farko da hukumomin yaƙi da miyagun ƙwayoyi suka gano wuraren sarrafa ƙwayoyi a cikin gidajen zama a Legas ba.
Jami’an Ƴansanda Sun Bankado Gidan Da Ake Noma Tabar Wiwi A legas
Jami’an Ƴansanda Sun Bankado Wurin Buga Jabun Kudi Na Dalar Amurka A Ondo
Yan Bindiga Sun Sace Daliban Islamiyya 14 Da malamansu A Neja
Shugaban Kwalejin Sa’adatu Rimi Ya Taya Sabon Kwamishinan Ilimi Mai Zurfi Farfesa Sani Lawan Malumfashi Murna
Tijjani Gandu Ya Maka Gwamnatin Kano Kotu
Kwararren Mai Daukar Hoton Labari Maikatanga Ya Shiga Sahun Kwamitin Alkalan Gasar Wole Soyinka Ta 2026
Wasu ’Yanbindiga Sun Yi Garkuwa Kimanin Yara 12 A Neja
Jami’an NDLEA Sun Kama ‘Yan Nijeriya Biyu Mazauna Turai Da Suka Haɗiye Ƙunshin Hodar Iblis Guda 200 A Filin Jirgin Abuja
Wani Jami’an Dansanda Ya Kashe Abokiyar Aikinsa Kuma Ya Kashe Kansa A Kogi
