Labarai
Shugaban Kasar Tunisiya Ya Kori Minista Kan Mutuwar Mahajjata

DAGA KABIRU BASIRU FULATAN
Shugaba Kais Saied na Tunisiya, ya tsige ministan harkokin addinin kasar daga mukaminsa sakamakon mutuwar mahajjatan kasar 49 a Saudiya saboda tsananin zafi.
Kamfanin dillancin labaran kasar, TAP ya ruwaito cewa, Shugaba Saied ya kori Ibrahim Chaibi daga mukaminsa ba tare da wani karin bayani ba. Tuni dai Chaibi ya dauki alhakin yin sakaci a wajen sanya ido kan mahajjartan. Sai dai a cewarsa, alhazan kasar 44 daga cikin wadanda suka gamu da ajalin nasu a kasa mai tsarki, ba su yi rijistan aikin hajji ba, inda sun tafi sauke faralin ne da takadar Visar yawon bude ido.
Wasu Sojoji Sun Lakada Wa Wani Sufeton ‘Yan Sanda Dukan Tsiya Har Lahira
Hukumomin Saudi Arabiyya na cewa, yawancin mahajjatan da suka rasa rayukansu sakamakon tsanannin zafi ba su yi rijistar aikin hajji ba, wanda ya ke da matukar wuya a iya tantance adadin su ko ma gano su.
A gefe guda, gwamnatin Masar na shirin kwace lasisi tare da hukunta kamfanoni 16 da suka shirya jigilar aikin hajji bana ba bisa ka’ida ba, yayin da ake zargin yawancin wadanda suka mutu a bana, sun fito ne daga Masar.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
