Connect with us

Labarai

Fiye Da Mutane 2,000 ‘Yan Ta’adda Suka Kashe A Watanni Shida A Najeriya  —NHRC

Published

on

Advertisements
WhatsApp Image 2026 11 04 at 12.03.38 AM

Hukumar Kare Hakkokin Dan’adam ta Najeriya (NHRC) ta bayyana cewa ‘yan ta’adda da ‘yan bindiga sun kashe mutum 2,266 a Najeriya cikin watanni shida na farkon shekarar 2025.

Wannan adadi ya zarce na dukkan shekarar 2024, inda mutum 2,194 ne suka rasa rayukansu sakamakon ayyukan ta’addanci da hare-hare a sassa daban-daban na kasar.

Tsadar Taki Ya Sa Manoma Sun Daina Noman Dawa Da Masara

A watanni shida na farkon shekarar 2024 kuwa, mutum 1,083 ne aka kashe.

A cewar Hukumar, wannan hauhawar adadin na nuna yadda matsalar rashin tsaro ke kara ta’azzara duk da kokarin da jami’an tsaro ke yi a fadin kasar.

A yankin Arewa maso Gabas, sojoji na ci gaba da fafatawa da ‘yan Boko Haram, yayin da a Arewa maso Yamma da Tsakiya kuma, ana fama da ‘yan bindiga da rikicin makiyaya da manoma. A Kudu maso Gabas kuwa, ana fama da matsalolin ‘yan aware.

A watan Yuni kadai, rahoton ya ce mutum 606 ne suka mutu a hare-haren da aka kai a wurare daban-daban na kasar.

Advertisement

Daga cikin su har da fiye da mutum 200 da aka kashe a harin da ‘yan bindiga suka kai a kauyukan Yelewata da Dauda a Jihar Benue.

Baya ga kashe-kashen, hukumar ta ce mutum 857 ne aka yi garkuwa da su a cikin watanni shida na bana, sabanin mutum 1,461 da aka sace a lokaci iri ɗaya a shekarar 2024.

Kazalika, rahoton ya bayyana yadda jami’an tsaro da ‘yan sa kai ke fuskantar barazana, inda aka kashe sojoji 17 a jihohin Kaduna da Neja, da kuma mambobin ‘yan bijilante fiye da 40 a jihar Zamfara.

 

 

TRT GLOBAL 

Advertisement

Advertisements
Advertisement
Click to comment

Leave a Reply

Your email address will not be published. Required fields are marked *

Trending