Rundunar sojin Najeriya ta gano ɗaya daga cikin ƴan matan Chibok a Jihar Borno.
Akalla mutum 113 ne ‘yan bindiga suka kashe daga ranar 5 zuwa 11 ga Yunin 2022 a kasar nan.
A wani saƙo da rundunar ta wallafa a shafinta na Twitter, ta ce dakarun rundunar haɗin gwiwa ta 26 ne suka gano ta a lokacin da suke shawagi a kusa da garin Ngoshe a jiya Talata.
Sojojin dai sun ce sun ga Mrs Mary Ngoshe ne ɗauke da ɗanta kamar yadda suka wallafa hotonsu a shafinsu na Twitter.
Tun a Afrilun 2014 ne dai aka sace sama da ƴan matan na Chibok 270 sai dai sama da 100 an sako su wasu kuma sun tsere.
