News
Gwamnatin Tarayya ta ƙaryata jawabin ‘Tinubu Speaks’ da ke yawo
DAGA YASIR SANI ABDULLAHI
A wani yunƙurin gaggawa game da wani jawabi da aka yi wa laƙabi da ‘Tinubu Speaks’ da ake danganta shi da shugaban ƙasa, Bola Ahmed Tinubu, Gwamnatin Tarayya ta ƙaryata abin da ke ciki tare da nesanta Shugaban da shi.
A ranar Asabar ne Mai magana da yawun Shugaban ƙasa, Ajuri Ngelale ya yi watsi da saƙon, yana mai cewa ba gaskiya ne abin da ake jingina wa Shugaba Tinubu.
Ana yaɗa ƙirƙirarren labarin ne a kafafen sada zumunta kan cewa wani jawabi ne da Tinubu ya yi inda ya ke magana game da ƙalubalen da tattalin arziƙin Nijeriya ke fuskanta.
Jawabin ya kunshi batutuwa da suka haɗa da; batun rage albashin manyan ma’aikata da kashi 50, rushe ofishin matar shugaban ƙasa, dawo da tallafin mai da na wutar lantarki a matsayin yunƙurin gwamnatin na daidaita al’amuran ƙasa.
Ƙirƙirarren zancen, ya kuma ƙunshi cewa shugaban ƙasa na shirin rage adadin ministoci, sayar da jirgin ofishin shugaban ƙasa da kuma dakatar da fita ƙasar waje domin duba lafiya ga ma’aikatan gwamnati.
Kwankwaso Ya Shiga Jam’iyyar NDC
Dr. Muhammed Musa Zango Ya Kaddamar Da Neman Takarar Sanatan Kano Ta Tsakiya A Jam’iyyar APC
Kwankwaso Ya Ce Bai Yanke Shawara Kan Makomar Siyasarsa Ba Har Yanzu
Gwamnatin Tarayya Ta Ci Gaba Da Aikin Titin Kano-Gwarzo-Dayi Sakamakon Biyan Diyya Da Gwamnatin Abba Ta Yi
Kamfanonin Bada Bashi Ne Suka Cire N1.5bn Daga Albashin Ma’aikatan Kano — SSG
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
WAI ME GARO YA YI NE?
Wata Motar Jigilar Fasinja Mai Amfani Da CNG Ta fashe A Kaduna
JAMB Ta Sanya Ranar Da Za A Fara Jarabawar UTME Ta 2026
