INEC: An Karɓi Buƙatar Rijistar Sabbin Jam’iyyu 144 A Fadin Ƙasa

Hukumar Zaɓe Mai Zaman Kanta ta Ƙasa (INEC), ta bayyana cewa ta karɓi buƙatu har 144 daga ƙungiyoyin da ke neman samun rijista a matsayin jam’iyyun siyasa a Najeriya.

Kwamishinan hukumar kuma Shugaban Kwamitin Wayar da Kai da Ilimantar da Masu Zaɓe, Mr. Sam Olumekun, ne ya bayyana hakan a wata sanarwa da ya fitar daga birnin tarayya Abuja a ranar Alhamis.

Hatsarin Mota Ya Yi Ajalin Fiye Da Mutum 2,800 A Cikin Watanni 6 – FRSC

Ya ce, a cikin makonni baya-bayan nan ne hukumar ta karɓi ƙarin buƙatu guda 10, wanda hakan ya ɗora yawan ƙungiyoyin da ke neman zama jam’iyyun siyasa zuwa 144.

“Yanzu haka mun shiga matakin nazarin takardun buƙatu da kuma cikakken bincike kan ƙungiyoyin da suka gabatar da sha’awar zama jam’iyya, domin tantance waɗanda suka cika ka’idojin da kundin tsarin mulki ya tanada,” in ji Olumekun.

Haka kuma, Olumekun ya bayyana cewa, a ƙarƙashin tsarin ci gaba da rajistar masu zaɓe (CVR) da hukumar ke gudanarwa, mutum 168,187 ne suka yi rijista a jihar Anambra kacal.

LEADSHIP