Wata Budurwa Mai Shekaru 22 Ta Kashe Kanta Bayan Ta Ga Saurayinta Tare Da Wata Mace

Wata mata mai suna Odama Mary Agado mai shekaru 22, wacce ke sana’ar gyaran gashi, ta hallaka kanta bayan ta sha guba a birnin Enugu, inji rahoton VANGUARD.

Mary, ‘yar asalin garin Woleche-Ipuole a unguwar Yahe, karamar hukumar Yala ta Jihar Cross River, ta kasance tana gudanar da sana’arta cikin nasara har ta sayi mota da kuma kama gida wa saurayinta kwanan nan. Majiyoyi sun ce matsalar ta samo asali ne bayan Mary ta ziyarci gidan saurayinta ranar Juma’a kuma ta same shi tare da wata mace.

Yadda Wani Mahaukaci Ya Farmaki Jama’a, Ɗaya Ya Mutu Uku Sun Jikkata

Wani ɗan uwa da aka bayyana da suna Daniel ya ce: “Ta fusata matuƙa. Ta koma gidan da ita ma take haya, ta kira mahaifiyarta ta gaya mata abin da ya faru. Ta ce mahaifiyarta ta karɓi ƙaddarar duk abin da ya faru da ita, domin za ta kashe kan ta ne kawai.” Daga baya an garzaya da Mary asibiti bayan da aka samu ta sha guba, amma likitoci ba su iya ceton rayuwarta ba; an tabbatar da rasuwarta da yammacin ranar.

An ɗauki gawar Mary ana kai ta garinsu Yala inda aka binne ta a ranar Asabar. Rahotanni daga VANGUARD sun nuna cewa dangin ba su kai lamarin ga ƴansanda ba, suna jaddada cewa ta kashe kanta ne da kanta ba wani abu da ya haddasa mata ba.

Wannan lamari ya jawo bakin ciki a tsakanin ‘yan uwa da abokan arziki, inda ake kira ga daukar matakan wayar da kai kan lafiyar hankali da kuma neman taimako idan mutum na fuskantar matsin zuciya ko matsalolin soyayya.

BIZPOINT