News
Wasu Ɓata-gari Sun Yashe Ofishin Shugaban Ƙaramar Hukuma A Kano
A jihar Kano da ke arewacin Najeriya, wasu ɓarayi da ba a tantance ko su waye ba sun fasa ofishin Shugaban Ƙaramar Hukumar Gaya, Alhaji Mahmoud Tajo Sani, inda suka sace kayayyakin da ofishin ke amfani da su, ciki har da na’urorin hasken rana (solar).
Lamarin ya faru ne a daren Talata, kamar yadda mai ba wa shugaban shawara kan yaɗa labarai, Kwamared Naziru Mukhtar Gaya, ya tabbatar a cikin wata sanarwa da ya fitar ranar Laraba.
Majalisar Tarayya Ta Amince Da Daurin Shekara 14 Ga Malamai Masu Lalata Da Ɗalibai
A cewarsa, fashin ya jefa al’umma da mahukunta cikin damuwa, inda ya bayyana shi a matsayin abin kunya da takaici.
“Wasu ɓata-gari sun kutsa cikin ofishin shugaban ƙaramar hukuma a daren Talata, suka sace muhimman kayayyakin da ake amfani da su wajen gudanar da aiki,” in ji Kwamared Naziru.
Sai dai ya bayyana cewa ba a tantance jimillar darajar kayan da aka sace ba, amma ya ce jami’an tsaro sun fara bincike domin damƙo waɗanda ke da hannu a lamarin.
Har zuwa lokacin haɗa wannan rahoton, hukumomin tsaro ba su fitar da cikakken bayanin bincikensu ba, amma an ce ana ci gaba da aikin ganowa da bin diddigin ɓarayin.
Jami’an Ƴansanda Sun Kama Masu Aikata Muggan Laifuka Sama Da 300 A Kano
MAN FETUR: Sama Da Kaso 70% Na Kuɗin Shiga Na Masu Adaidaita Sahu Na Narkewa A Sayen Mai — Rahoto
Mutane 3 Sun Mutu Yayin Da Jirgin Ƙasa Ya Kife A Hanyar Warri Zuwa Itakpe
An Gano Matar Da Aka Ce An Yi Garkuwa Da Ita Tare Da Masoyinta A Otal Bayan Neman Kuɗin Fansa
Ilimi Ne Babban Makamin Daƙile Ta’addanci — Ministan Tsaro
Wani Matashi Dan Kano Ya Yanke Gaban Sa
KANO: ‘Yan Bindiga Sun Hallaka Mutum 2 A Gwarzo
Falalar Kwana Goma Na Farkon Zul-Hijjah: Shawarwari Daga Manyan Malamai
Yadda Wata Mata Ta Banka Wa Mijinta Da Amaryarsa Da ‘Ya’yanta Guda Biyu Wuta A Kano
